Mariam Blog | مُدونة مريم: Favorites | مفضلاتي : شنطة مكياج , ماك , ايف روشيه , مقال

MyMenu1

Monday, June 6, 2016

Favorites | مفضلاتي : شنطة مكياج , ماك , ايف روشيه , مقال




مساء الخير /
رمضان مبارك ع الجميع ’
تدوينة اليوم عن مفضلاتي في الفترة الحالية نبدأها بأول شيء حابته 

- شنطة مكياج :

الشنطة هذي عجبني شكلها و سعرها رخيص و كنت محتاجة شنطة تلم المكياج في شنطة الدوام , فادتني كثير و نظمت شنطتي و أغراضي ’
أخذتها من مهرجان عندنا في جيزان



كل فترة في جيزان يسوون مهرجان فيه أكشاك تبيع كل شيء من أكل لمكياج لملابس و اكسسوارات و منتجات عناية طبيعية و أشياء كثيرة سعرها رخيص و الشنطة هذي من هناك .. و برضو لونها الرمادي حبيته مره 




- شامبو جاف من دوف :

ممتاز للشعر اللي الفروة تدهن بسرعة يشيل الدهون و يعطي الشعر حيوية و مايخليه هابط و مدهن ’
أحب استخدمه في الأيام اللي أصحى مستعجله و شعري هابط و بدء يدهن و لما أرجع البيت أغسله بالشامبو العادي لأن ماينفع
يستخدم بديل غسل الشعر ولا بيسبب تراكم أوساخ و قشرة انتي في غنى عنها ..

يمتصه الشعر بسرعة , 
بعد ما ابخه افركه شوية و يروح و ما يترك أثر أبيض  وراه و ريحته حلوة و ماهي قوية مره , بسرعة تروح.


أخذته من صيدلية التفاح الأخضر




 - محدد سبايس من ماك :

لونه نيود بني على شوية أحمر و شكله ع الشفايف طبيعي و مع مكياج صباحي هاديء بيطلع بيرفكت  
شكله في الصورة على أحمر زيادة بس ع الطبيعة هو مايل للبني بس بشكل طبيعي أهدء من الصورة اللي تحت بشوية : 


RED REIDING HOOD: Beauty blogger mac spice lipliner swatch full face review kylie jenner lips 10$ lip injections


                                                 Photo from (  http://www.redreidinghood.com/  )

أخذته من متجر انستقرام يوفر منتجات ماك ( متجر باليت - Palette.sa ) 
طبعاً ماك للأسف ماقد فتح في جيزان ان شاء الله يفتحونه قريب  ..


- ماسكارا كفر قيرل الخضراء ( Covergirl clump crusher  )

الماسكارا هذي تعطي طول للرموش و سواد بس للي تبغى كثافه فهي ما تعطي كثافة ,
 حلوة للإستخدام اليومي و تنزل بالبايوديرما بسرعة لأنه ماهي ضد الماء أحبها و برجع اشتري منها ان شاء الله

أخذتها قبل سنه تقريباً و لليوم ماخلصت ولا نشفت ..
أشتريتها من متجر ع الإنستقرام (  متجر الأميرة - non3sh  ) 



- مرطب الوجه من بوندس :

مرطب ايج ديفنس النهاري من بوندس يرطب وجهي بدون لايدهنه و يخليه يلمع طول الوقت ,
و فيه نسبة حماية من أشعة الشمس أستخدمه للدوام و قرب يخلص.

أخذته من صيدلية النهدي 





- لوشن بالشيا من ايف روشيه :

أحلى لوشن جربته في الفترة الأخيرة , صح ان ريحته مو مرة بس بسرعة تروح و ترطيبه رهيييب ,
ثقيل و يرطب من قلب أحب استخدمه ليدي و رجولي , كثير مرطبات أو لوشنات اذا غسلتي يدك تحسيه ينزل من المويا و ترجع يدك تجف
هذا لا حتى لو غسلت يدي تبقى مترطبه ..

 أخذته من ايف روشيه في الراشد مول 

~


- مقال 1919 رقم هاتف مهم -  محمد الحاجي :

أخر شيء حبيته هو مقال قرأته لمحمد الحاجي و عجبني و حسيته مهم جداً ..
رأيي انه : 
في مجتمع زي مجتمعنا مرات يكون صعب تطبيق كلامه و التبليغ عن العنف الأسري اذا شفناه بالذات اذا كان المعنِف شخص
تربطك به علاقة قرابة ..

لكن قد يصدر من الشخص اللي يشوف موقف عنف سلوك رفض له زي انه يدافع عن الطفل او يحاول يهديء الأب أو الأم أو يحل
الموقف بطريقة أخرى 
أما التبليغ فهو شيء مستبعد جداً ،

و اذا ماكنت تعرف الشخص فالتجاهل دائماً سمة الموقف .. عبارة ( ما أعرفهم و مالي دخل ) تكون سيدة الموقف ..
و فكرة انه ( أب و ابنه أو أم و بنتها ) تخلي الشخص يسحب نفسه و لا يتدخل ..

هذا غلط لكنه الواقع ,
أحس فيه جهل كبير و سطحية و ثقافة ضحلة في دور الأمومة و الأبوة و أساليب التربية عندنا , الناس ماشيه على البركة و 
طرق قديمة و غلط 
و تسبب أثر سلبي يستمر مع الطفل لين يكبر و بعضهم تبقى شخصيته مهزوزة حتى و هو كبير .. حاجة تحزن

و في الغالب اذا كان الشخص اللي اتعرض لمواقف عنف ما كان شخص عاقل مثقف و فاهم بيمارس العنف و الأساليب التربوية 
الغلط مع أبنائه 
و بيشوفها صح و عادي عشانه اتعرض لها و "ماصار له شيء" على حد زعمه .. 

المقال هنا ( مقال 1919 محمد الحاجي )

~


و بس ..
رمضانكم مبارك و اتمنى من الله يتقبل منا و منكم و يديم علينا الصحة و العافية و يصير مجتمعنا مجتمع واعي .. 
بحفظ الله 

No comments:

Post a Comment

Comment as : Name , Url / Anonymous
خيارين لتعليق من ليس لديه حساب قوقل واحد بالإسم و الآخر تعليق فقط ..