Mariam Blog | مُدونة مريم: يومياتي | سبايسي تشيكن تورنيدو , ذا فويس كيدز , فيديو رهيب

MyMenu1

Friday, April 29, 2016

يومياتي | سبايسي تشيكن تورنيدو , ذا فويس كيدز , فيديو رهيب




مساء الخير 
اليوم فيني طاقة تدوينية فحبيت أستغلها و أكتب ..

أكتب اليوم و صوت المباراة يلعلع في البيت .. 
ما أحب المباراة مرة , أذكر هي مرة وحدة أتحمستلها و شجعت و انفعلت , يوم المباراة ع كأس العالم و عشان كنا كلنا مجتمعين 
في بيت خالي و الكل يشجع اتحمست معاهم و في الأخير ما فازوا  ... 

طلبنا اليوم أنا و خواتي من هارديز , 
اختي الصغيرة اقترحت و طقني الجوع فجأة معاها و وقع الإختيار على هارديز و لحسن الحظ لما كلمناهم كانوا يوصلون 
طلبنا وجبة سبايسي تشيكن تورنيدو , يجي ساندويتش داخله 3 قطع دجاج حار و تركي بيكون [ لحم دجاج حبش / رومي مقدد ] و خس .





سألنا الموظف لو حابين البطاطس عادي ولا كرسبي فأخترنا كرسبي [ ما أحب بطاطس هارديز العادي طعمه سيء ... ]
و جابوا مع الطلب صوص جبنة ماحبيته كثير مع البطاطس حبيته لحاله , طعم الصوص قوي و البطاطس مبهر فحسيت طعمهم 
سوا مو مرة حلو ,

و الطلب كان لذييذ مرة بس دسم شبعت بسرعة ما قدرت أكمله كله أكلت نصه ,
الحمدلله .. 

-



The Voice Kids


الأسبوع اللي راح خلصت متابعة ذا فويس كيدز على شاهد ,
دايم ما أتحمس للبرامج الا بعد ما تخلص و ينسوها الناس  ..

بس كونك تتفرج عليها اون لاين على كيفك في اي وقت حاجة تريح لأن مرات يكون الواحد مشغول و مو فاضي
يقابل التلفزيون في وقت عرضها ..

بخصوص برامج المواهب دايم تجيني رغبة فجأة في فترة معينة و اتفرج ع حلقات برنامج كامل و اخلصها في 3 او 4 ايام ..
قبل ذا فويس كيدز اتفرجت ع ذا فويس الكبار و قبلهم على اكس فاكتور السيزون اللي كان فيه حمزة هوساوي و هكذا .

ذا فويس كيدز له طعم ثاني عشانهم أطفال و كمية الكياته و اللطافة اللي فيه و تعليقات المدربين  و تشجيعهم للأطفال 
و حركاتهم تخليني مرات اعيد المقطع كذا مرة ,

المدربين اختيارهم صح و مندمجين مع بعض و تفاعلهم مع المواهب و تعليقاتهم تعطي طعم للبرنامج , 
أذكر أول برنامج مواهب تابعته المدربين مو طايقين بعض و يدقون بعض بالكلام .. يضحكون و الله  !

شخصيات المدربين و كلامهم خلاهم قراب للناس و بانت شخصيتهم الحقيقية و أحس الناس حبوهم أكثر ,

كنت أحب مكياج نانسي كثيير و أجلس أتأمله و أحلله نيود ولا مورد ولا باهت ولا ولا ., 
أحسها غير مرة و مرتاحة أكثر في ذا فويس كيدز و حتى صارت تعبر عن نفسها بطريقة أحسن و أكثر من البرامج اللي كانت
فيها قبل و عفوية , 

كاظم الساهر بالذات لاحظت عليه التغيير شوية شوية , بدأ في ذا فويس أول موسم كان خجول مرة و يتوتر و المرة هذي في ذا 
فويس كيدز كانت ثقته بنفسه عالية كثير ماشاء الله حتى يتفاعل مع المشتركين و يتكلم بكل أريحية ..

كثير من الأطفال اللي اشتركوا موهوبين و أصواتهم من جد تجنن حتى استغربت كيف أطفال و موهوبين كذا و أصواتهم و أدائهم
عجييب ,

من الناس اللي حبيتهم و عيوني قلبت قلوب و انا أتفرجله أحمد سيسي الطفل المصري اللي يدخل جو و هو يغني و يغمض عينه
 و اذا ضحك بانت اسنانه المكسورة كيوت كيوت مرة اسم الله عليه 



و أحسن صوت و أداء و لليوم عالق بذهني و أرجع أتفرج للفيديو ع اليوتيوب كثير لشيرين بوسعد صوتها يجنن ماشاء الله ,
صوت ناضج و مو طفولي , و أبوها حزنني مرة كان يدمع و متأثر ببنته  

<


و من الأغاني اللي حبيتها للمدربين كانت لكاظم , أغنية تذكر و لو انها حزينة شوية لبرنامج أطفال بس روعة مرة ماقد سمعتها له لوحدة 
بس حبيتها كلماتها قوية و أثرت فيني , الأغاني الفصحى لها جو غير و دايم أحسها راقيه




-

بعيداً عن ذا فويس كيدز ,فيه فيديو رهيب في اليوتيوب شفته قبل أسبوع تقريباً و حبيت أكتب عنه في المدونة و جت فرصة هالتدوينة أحطه فيها ,
الفيديو ليوتيوبر مصرية أتابعها اسمها هبه عامر ,

الفيديو عن بنت أرسلتلها رسالة انها خسرت ثقتها في نفسها بسبب انها سمراء و الناس تتريق عليها بسبب ذا الشيء ..
و هي ردت عليها بكلام حلو , الفيديوهات أو الكلام اللي كذا يقوي الشخص و يزيد ثقته في نفسه مرة حبيت كلامها و حبيت أشارك 
الفيديو هنا حتى غيري يشوفه و يستفيدوا مثلي .






أحب أقرأ البوستات اللي سوالف و أشياء بعيدة عن التجميل فبيكون كل فترة و فترة ان شاء الله بوست زي هذا ..
و بس هذا كل اللي عندي اليوم شوية سوالف 
بحفظ الله 

6 comments:

  1. رغم اني عارفه كل الي كتبتيه الا ان البوست عجبني والله
    😍 حلو من فتره لفتره تطلعين عن المعتاد وتكتبين بوست فضفوضي كذا
    ✋🏼🌚 خلاص كل ماتحطين بوست فيه سوالف قولي لي هاا

    ReplyDelete
    Replies
    1. سيدي انتي ثانكيو
      هههههههه عجبني كلمة فضفوضي :D
      ان شاء الله <3

      Delete
  2. كويس إني شفت البوست بعد ما اكلت :$
    اغنية تذكر تقشعر مره
    ممتعة التدوينة الفضفوضية على قول ربا

    ReplyDelete
    Replies
    1. ألف صحة و عافية ع ألبك يارب
      مرة الأغنية تجنن و كلماتها قوية
      ربي يسعدك نورتيني يا إيمان <3

      Delete
  3. اهم شي اعزميني المرا الجايه 🌹🌹🌹

    ReplyDelete
    Replies
    1. هههههه من عيوني أول وحدة انتي
      نورتيني يا حلوة <3

      Delete

Comment as : Name , Url / Anonymous
خيارين لتعليق من ليس لديه حساب قوقل واحد بالإسم و الآخر تعليق فقط ..