Mariam Blog | مُدونة مريم: أشياء خلصتها .. كريمات , غسولات جسم , غسول وجه , عطر | Empties

MyMenu1

Saturday, November 21, 2015

أشياء خلصتها .. كريمات , غسولات جسم , غسول وجه , عطر | Empties


السلام عليكم صبايا .. 
النوعية هذي من التدوينات بتكون متكررة يعني كل فترة أخلص كم حاجه بسويه 
البوست السابق من المنتجات المخلصة تلاقونه هنا و يلا نبدأ ..

1- Nubian Heritage African Black Soap Body Wash
غسول جسم الصابون الأسود الإفريقي مع الشوفان و الصبار و فيتامين هـ ( Vitamin E ) مكونات الغسول طبيعية و مكتوب في قائمة 
المكونات مصادرها الطبيعية , الغسول حلو ما ينشف الجسم و ريحته ناااعمة و عجبتني كثير بس ما تجلس في الجسم كلها ساعة بالكثير و تروح 

عالعلبة كاتبين "أملاح البحر الميت و حبيبات الجوجوبا تزيل الجلد الميت" بس ما حسيت الغسول يزيلها ولاشيء مرة ناعمة الحبيبات 
الغسول أستخدمه أكثر شيء بالليفة فدائماً يترك جسمي ناعم لأنها خشنة شوية بس جربته كذا مرة بدونها و حسيته نعم جسمي تنعيم خفيف

هالمجموعة ريحتها مرة حلوة جربت منها الصابون العادي و ريحته أقوى  كنت أغسل فيه يدي و ما حسيت انه جففها عادي ..
طلوا عليه هنا

2- Nubian Heritage Coconut & Papaya Body Wash
غسول جسم جوز الهند و البابايا , ممم عادي ريحته فواكه على سويت تشبه المنقا بس ماهي منقا يمكن بابايا 
مافيه شيء مميز حبيت غسول الصابون الإفريقي أكثر بس ريحته حلوة بالرغم من اني أحسها مرات قوية بس ما تجلس
في الجسم كثير .. طلوا عليه هنا

3- The Body Shop Seaweed Mattifying Day Cream 
كريم نهاري بالأعشاب البحرية من بودي شوب من مميزاته اللي شدتني إنه Mattifying أو مطفي فالمفروض إنه ما يسبب 
لمعان في الوجه فبحكم ان بشرتي دهنية قلت أستخدمه و ما حبيته بالمرة ..

أول شيء يلسع أول ما تحطينه و ما يتحكم باللمعان بشرتي تدهن معاه و ريحتها أول ما أحطها تقلب تونة ...  !! 
عندي من نفس المجوعة قناع الطين و ريحته مقبولة نوعاً ما مدري عاد هذا ليه ريحته كذا .. 

4- Nivea Moisturizing Cream With Jojoba & Vitamin E
مرطب نيفيا بالجوجوبا و فيتامين هـ قوامه دهني و يرطب و سعرة رخيص ..
جربته للوجه كذا مرة و ما كان حلو يدهن بس استخدمته بعدها ليديني و رجولي و حبيته يرطبها و تمتصه البشرة بسرعة 

5- Ponds Age Defense Over night Replenishing Cream 
مرطب وجه من بوندس ( اللي غطاه وردي ) ثقيل و يرطب من قلب ما ينفع النهار للي بشرته دهنية أنا قبل ما أنام أحطه
و أصحى البشرة تكون مترطبه و صحية و ملمسها نااعم أحسه يروي البشرة و يشيل التعب منها مرة أحبه و راح أرجع 
أشتريه , 

ذكرته من قبل هنا 

6- White Musk Libertine Body Spray
معطر جسم بالمسك الأبيض ريحته مرة حلوة و ناعمة مسك ع ورود أحبه كثير قد كتبت عنه في انستقرامي 
ع الرابط هنا طلوا عليه ..
ملاحظة جديدة : المعطر رجعت لبودي شوب بآخذه بس حسيت ريحته غريبة صابونية مدري عاد اللي شميته فيه مشكلة أو ايش
 بالضبط فاللي حابه تشتريه تشمه قبل <3

و بس هذا كان بوست اليوم 
بحفظ الله 

2 comments:

  1. :* الله يعطيكي العافية مريم , أشتقنا لمواضيعك

    ReplyDelete
    Replies
    1. حبيبتي الله يسعدك
      و أنا أشتقت لمواضيعك <33

      Delete

Comment as : Name , Url / Anonymous
خيارين لتعليق من ليس لديه حساب قوقل واحد بالإسم و الآخر تعليق فقط ..