Mariam Blog | مُدونة مريم: غسول نوكس للبشرة الدهنية و المختلطة | NUXE Purifying Gel

MyMenu1

Sunday, October 4, 2015

غسول نوكس للبشرة الدهنية و المختلطة | NUXE Purifying Gel


صباح / مساء الخير ع الجميع ,
كل عام و أنتم بخير مؤخراً , كون هذي أول تدوينة بعد العيد و إجازته ..

تدوينة اليوم بتكون عن غسول قبل ما أشتريه دورت كثيير و قرأت تقييمات بعضها تمدح 
و البعض الآخر يذم و كثير منها مختصرة و أنا أحب التفصيل و الشرح ,
 فقلت التجربة خير برهان و اللي ما يفيد الناس ممكن يفيدني .. 
و شريته و جربته و هنا تجربتي عسى الله تفيدكم ...



خصائص المنتج  :
من الخصائص اللي ذكروها نوكس لغسولهم إنه :
- ينظف المسام
- يزيل الدهون الزائدة عن البشرة بدون لا يؤذيها
- خالي من الصابون
- مكوناته لطيفة ع البشرة
- 78,1% من تركيبته مواد طبيعية
- خالي من البارابين

ملاحظة : [ البارابين مادة حافظة توجد في بعض المنتجات التجميلية كثر عليها الكلام في السنوات الأخيرة يُقال إنها مسرطنة و لكن مازال
الموضوع غير مؤكد و مازالت تجرى أبحاث على هذا الموضوع إلى الآن حتى يتأكدون إذا فعلاُ فيه صلة للبارابين بالسرطان أو لا ]




الغسول قوامه جل مثل ما أنتم شايفين , لونه أبيض و له رائحة عطرية خفيفة ,
ع فكرة من ضمن مكوناته عطر Parfum / Fragrance و تركيزة يعتبر مرتفع جاي في نص قائمة المكونات مو في آخرها 
بس ما أتحسست منه لكن اللي بشرتها تتحسس تنتبه لهالنقطة ..

ليه يعتبر مرتفع و ايش يعني إذا جاء في نص القائمة ؟ 
قائمة مكونات المنتج ترتيبها يعتمد ع تركيز المواد الموجودة ؛ المواد ذات التركيز الأعلى يضعونها أول القائمة ثم الأقل ثم الأقل منها و هكذا ,
المكون الأول هو الأكثر في المنتج و الأخير هو الأضعف , و بالنسبة لعطر في منتج لبشرة الوجه بالذات وجوده في النص مخيف 
أحسه  المفروض ما يكون موجود أساساً , إذا كانت منتجات الجسم يجي فيها في آخر القائمة هنا ليش في النص .

تجربتي :
لما أغسل فيه وجهي يعطي رغوة خفييفة و أحس وجهي نظيف و جاف بس الجفاف بزيادة إحساس مو مريح لازم لازم ترطبي بعده
ينشف الوجه مره , و بعد ما أغسل وجهي بثلاث ساعات أربع ألاقي وجهي مدهن كن لي يومين ما نظفته :’( !

جربت ما أرطب وجهي قلت يمكن المرطب يسببلي الدهون ذي و نفس الشيء بدون المرطب وجهي يدهن ..
حكاية اغسل وجهي مرتين صباحاُ و مساء ما تنفع معاه .

بخصوص انه ينظف المسام لا ينظفها ولا شيء و الرؤوس السوداء زادت و ملمس وجهي مو ناعم و طلعتلي كم حبه و تجلس كم يوم 
و تروح و هو ماله تأثير عليها هي دورتها الطبيعية كذا تجي و تكبر وتجلس يوم يومين و يقل حجمها و تروح.. 

أحسه زي غسول سيتافيل للبشرة الحساسة ناعم بزيادة و ما يسوي شي حتى لما أغسل فيه وجهي أحسني أمسحها بكريم 
الفرق ان ذا ينشف الوجه كذا ساعة و بعدها يختفي تأثيره 

هل أنصح فيه ؟
لو بشرتك مختلطة و ما تدهن كثير ممكن يناسبك ,
بس بصراحة ما أنصح فيه ماش ما أقتنعت فيه مثل فيشي نورماديرم أحب الغسول يحافظ على بشرتي طول اليوم ما تدهن
و ملمس بشرتي يكون ناعم ..

الغسول أخذته من صيدلية النهدي 
سعره 105 ريال

و بس هذي تدوينة اليوم ان شاء الله فيها الفائدة
و أي سؤال لا تترددوا ..
بحفظ الله

8 comments:

  1. انا بشرتي مختلطه بس حساسه
    وقلتي فيه روائح عطريه اخاف اتحسس منه
    تدوينه مفيده للكل الله يخليك
    موفقه ✨

    ReplyDelete
    Replies
    1. ايوه فيه عطر و تركيزه مو بسيط للأسف و دامها بشرتك حساسة أجل ابتعدي عنه
      يسعدني أفيدك يا صوفيا
      نورتييني و شكراً ع تعليقك الحلو <3

      Delete
  2. ماشالله وراني توني اعرف مدونتك
    خلاص اشتركت فيها وبتابع جديدك

    بالنسبة للغسول انا اخاف من اي شي فيه عطورات حتى لجسمي
    على طول يتحسس :(

    يعطيك العافيه ياجميلة ^^

    ReplyDelete
    Replies
    1. ههههه حبيبتي بتنوريني اليوم كأن لك شهور معي عادي :P
      ايوة الغسول ما يناسب البشرة الحساسة فيه عطر
      ربي يعافيك و يسعدك حبيبتي :*

      Delete
  3. اليوم اشتريتو بسبب الصيدلي اللي قطعلي مدح فيه وانا اساسا جايه الصيدليه عشان كريم مضاد للحبوب هههههه
    المهم مالك بالطويله احسني تحسفت اني اخذتو لان اول استخدام ليه استعملتو وكانت عندي كم حبيه خلاص بتروح لكن بعد استعمال الغسول ب3 ساعات اتوقع صار للحبوب تهيج عاد ما ادري اكمل تجربتي معاه لو اسبوع او اتركه احس حرام فيه 105

    ReplyDelete
    Replies
    1. مساء الخير ياقمر <3
      هههههههه يمدحه ع اساس فيه مكونات حلوة او ماركته معروفة او ليش بالضبط ؟
      خلينا ما نظلمه و نقول له وجهة نظر مختلفة بس كل بشرة يختلف تجاوبها مع المنتج عن الثانية

      ما ادري اذا بيناسب بشرتك أو لا لو كملتي عليه ،
      اذا العطر اللي فيه حسس الحبوب زيادة احس احسن تتركينه و تشوفي غيره و انتي ادرى ببشرتك ياقلبي :|

      Delete
  4. شكرا على الموضوع
    http://wahat-hawwae.blogspot.com/2017/08/blog-post_36.html

    ReplyDelete

Comment as : Name , Url / Anonymous
خيارين لتعليق من ليس لديه حساب قوقل واحد بالإسم و الآخر تعليق فقط ..