Mariam Blog | مُدونة مريم: Empties | منتجات خلصتها و تقييمي النهائي لها

MyMenu1

Sunday, July 26, 2015

Empties | منتجات خلصتها و تقييمي النهائي لها




مرحبا / ..
صباح أو مساء الورد ع الجميع , 
صارلي فترة ما كتبت شيء كنت مُسافرة , و رجعنا للمدونة و التدوين و نرجع رجعة خير ان شاء الله  
اول بوست من هالنوع في المدونة , منتجات خلصتها و بتكلم عنها حبيتها كرهتها ؟ خلونا نشوف 
نبدأ بسم الله ..



- شامبو الزنجبيل من بودي شوب [ The Body Shop Ginger Anti-dandruff Shampoo ]

احب الشامبو هذا لأني بعد استخدامه احس شعري نظييييف مافيه دهون , الشامبو يجفف ولكن بما ان جذور شعري دهنية اصلاً
 فعادي ما حسيته ضايقني بالعكس خلى شعري فيه حيوية و كثافة اكثر .. و ازال القشرة ( القشرة كانت خفيفة ) استخدمته مرتين
 في الاسبوع و من الاسبوع الثاني اختفت , ريحته مو مره حلوة بس مقبولة
سعره 31 ريال

**  هل انصح فيه ؟ ايوه اذا تعاني من القشرة جربيه ان شاء الله يفيدك زي ما فادني بس 



- كريم مرطب للجسم 21 [ Creme 21 All Day Cream ]
هذا الكريم المرطب استخدمه قبل النوم و بعد الشور ترطيبه جيد اثقل من اللوشن و اخف من الزبدة سهل المد و يخلي الجسم نااعم , اذا قد جربت نيفيا الأزرق 
و جليسوليد و الكريمات اللي زي كذا فهذا مثلها و احسن منها تكه لأن هذيك احسها اثقل شويه و اقرب لقوام الزبدة هذا قوامه كريمي و اسهل في المد من البقيه ..

** هل راح ارجع اشتريه ؟ حالياً لا , عندي مرطبات كثير ناويه اخلصها و حبيتها اكثر منه و اميل للوشنات اكثر هالفترة
الكريمات الثقيلة صرت اخليها للمناطق الجافة من جسمي فقط و يديني و رجولي .. 



- جل معقم لليد بالفراولة [ The Body Shop Hand Cleansing Gel ]
معقم يد بريحة الفراولة حلو حق الشنطة و للدوام و الطلعات , حبيت فيه ريحته مو ريحة المعقمات المعروفة .. 
سعره يا 22 يا 23 حوالينها 

** هل راح ارجع اشتريه ؟ حالياً عندي معقم آخر اذا خلص بشتري بس بغير الريحة اجرب اشياء ثانية و مو شرط بودي شوب عادي يلتقي في كل مكان



- لوشن بالمرز بزبدة الكاكاو [ Palmer's Cocoa Butter Formula Lotion ] 
بالرغم من الشعبية الكبيرة لزبدة الكاكاو من بالمرز  ولا للوشن زبدة الكاكاو الا اني ما فكرت اجربه الا الشهر اللي راح و ياليتني عرفته من قبل , 
الريحة يا جماعة لذيييذة [ انا احب ريحة الكاكاو ] و الترطيب ممتاز و سهل المد و يترك الجسم مترطب و ناعم انا احب استخدمه اذا ماراح اطلع مكان و بجلس بالبيت
اما لو طالعة فأحب احط مرطب ريحته خفيفة او بدون ريحة افضل ما احسه مقبول جالسه في مناسبة و ناس تقرب تسلم عليك و ريحتك كاكاو !
 الريحة تجلس فترة و تخف بس اذا قرب منك احد راح يشمها 

** هل راح ارجع اشتريه ؟ نعم نعم نعم
هل انصح فيه ؟! تحبين ريحة الكاكاو ؟ اذا ايوه جربيه اذا لا فلا تقربيه ريحته كاكاو قويه و بتزعجك



- مرطب الشفاه من سيباميد [ SebaMed Lip Defense with SPF 30 ]
 مرطب شفاه فيه حماية من اشعة الشمس , وقت الدوام كنت استخدمه هو و جلس عندي فترة طويلة استخدمه , ميزة حلوة الحماية اللي فيه ينفع تستخدميه النهار
 و في الليل تستخدمي مرطب شفاه اثقل زي نوكس مثلاً او فازلين , 
ترطيبه متوسط ينعم الشفاه, طول فترة استخدامي له ما لاحظت شفايفي تتقشر او يغمق لونها او حتى
تجف و ما تحسينه ثقيل و يكوِّن طبقه بالعكس ممتاز و ينفع ينحط قبل الروج 

** هل برجع اشتريه ؟ طبعاً .. حلو و سعره رخيص 



- مزيل مناكير من بايفاس [ ByPhasse Mild Nail Polish Remover
يزيل المناكير بسرعة و يجفف الأظافر بس جفافه ينحل لأني جربت مزيل اظافر من عند عطار سيء سيء بشكل لدرجة الظفر يتقشر و يخشن !
هذا كان جيد يقوم بوظيفته على اكمل وجه و الجفاف ينحل بالترطيب .. مكتوب عليه مايلد يعني لطيف , عاد مدري القوي كيف بيكون .. 

** هل برجع اشتريه ؟ لا , لقيت مزيل مناكير في النهدي مثله و يمكن ارخص حتى
اخذته من وايتس





- عطر فلِرت [ غزل ] من مكياجي -  Flirt Perfume From Mikyajy 
هذا عطري المفضل ايام الدراسة , و صديقاتي اذا شرت وحده منه قالت شريت عطرك و انا لازلت احبه للآن ..
ريحته زهور ناعمة و هاديه , ريحة صباحية بإمتياز , ما استخدمه كثير و العلبة فاضيه و صارلها فترة طويلة عندي 
ما اتوقع ارجع اشتريه , في العطور بالذات احب اغير , ممكن بعد فترة من الآن ارجع آخذه بس حالياً لا
طبقات العطر مقتبستها من موقعهم :

   الطبقات العليا: الفواكه الغريبة، العنب الأسود والغورماند                         
   الطبقات الوسطى : الياسمين و الفيتيفر                                                  
  الطبقات الأساسية: العنبر، المسك الأبيض، الفانيلا، خشب الصندل والبنزون 


** مكياجي عندهم نوع ثاني من العطر هذا لونه بنفسجي بس ما حبيته , اللي احبه الوردي
ناسيه سعره و فتحت موقعهم ابغى اشوفه بس شالوه قبل كان يحطون الأسعار في الموقع :(


هذي كل الحاجات اللي خلصتها , اتمنى أني أفدتكم و لو بمعلومة صُغننه
بحفظ الله

12 comments:

  1. 🙊💕 بوست مفيد وجميل يعطيك العافيه على مجهودك ❤️❤️ , ومبدعه في التصوير ماشاء الله

    ReplyDelete
    Replies
    1. الله يعافيك و يقويك حبيبتي <3
      شكراً ع الرد يا جميلة ، و الحمدلله البوست افادك 🙊❤️❤️

      Delete
  2. Oh well, I couldn't understand Arabic hehehehe but I love your empties :) I've tried Palmer's Cocoa Butter before! whilst it's really moisturizing, the scent coming from the product is too strong for me to handle, haha! I ended up giving it away to my friend. :0

    ReplyDelete
    Replies
    1. Hi sweetie,
      I agree the scent is a bit strong , I actually like it but I use it only if I am staying home or before i go to sleep,
      I don’t like going out and walking around smelling like a chocolate bar even if I like the scent lol XD ..
      I use other mild scented products when I am going out.

      PS : Thank you dear for commenting and supporting even when you don't understand Arabic , I really appreciate it <333

      Delete
  3. التدوينة جميييلة و التصوير يجيب العافية ماشاء الله ... جربت كريم بالمرز و احبه مررره بس زي ما قلتي ما أستعمله الا لو ما بروح مكان ❤ يعطيكي ألف عافية

    ReplyDelete
    Replies
    1. حبيبتي ربي يخليك كلامك اسعدني <3
      من جد بالمرز ترطيبه رهيييب بس ريحة الكاكاو القوية لو انها اخف شوي بيكون بيرفكت
      بالرغم من كذا اعتبره من المنتجات المفضلة عندي
      كلامك انتي اللي يجيب العافية شكراً عزيزتي <3

      Delete

  4. احب هالنوع من التدوينات مادري متى ببدآ فيه ؟
    حبيت شامبو الزنجبيل وبالمرز فضييييع للركب والاكواع تفرق كثييير مع الاستمرار

    يعافيك قمرتي

    ReplyDelete
    Replies
    1. ايوه بالمرز حابته كثير هالفترة و ان شاء الله اشوف فرق
      بخصوص التدوينة يلا الحين روحي خذيلك علبه فاضيه او سلة و ابدي جمعي فيها الأغراض اللي تخلص
      خليني اشوف موضوعك قريب <3
      ربي يعافيك و يسعدك حبيبتي

      Delete
  5. مرا حمستيني ع الشامبو هل ينفع للشعر المصبوغ ؟

    ReplyDelete
    Replies
    1. هلا حبيبتي
      ايوة ينفع بس لازم لازم ترطبي شعرك بعده لأنه ينشف
      انا يوم بدأت استخدمه كان شعري مصبوغ و عادي ما أثر عليه بس كنت أستخدم يا كريم للشعر يا بلسم بعد الشامبو
      و بس اتمنى أفدتك يا عسل

      Delete
  6. تابعتك مدونه جميله ❤️❤️

    ReplyDelete
    Replies
    1. حبيبتي انتي نورتيني <3

      Delete

Comment as : Name , Url / Anonymous
خيارين لتعليق من ليس لديه حساب قوقل واحد بالإسم و الآخر تعليق فقط ..