Mariam Blog | مُدونة مريم: Neutrogena Visibly Clear Pore and Shine Daily Scrub | مقشر نيتروجينا بالمندرين و الليمون

MyMenu1

Thursday, January 1, 2015

Neutrogena Visibly Clear Pore and Shine Daily Scrub | مقشر نيتروجينا بالمندرين و الليمون




السلام عليكم صبايا / ..

بوست اليوم بتكلم فيه عن تجربتي لمقشر نيتروجينا اليومي بالمندرين و الليمون ,
المقشر كريمي و حبيباته زرقا صغيرة و ريحته منعشة و تفتح النفس بس مو ليمون أبد , تشبه ريحة الخوخ

تجربتي معاه :
أستعملته و فرحت بنتيجته شال الدهون و أعطاني إشراقة جميلة وقتها - الظاهر سببها الليمون -
بعدها بكم دقيقة بس بديت أحس بقرص خفيف فوق حواجبي قلت بتروح هذا مقشر يمكنه جفف بشرتي شوي ما يخالف
بعدها بشوي زاد احساس القرص و صار في خدي و جهة الذقن زيادة ع الجبهة و اروح المرايه أشيك الا هالمناطق حمرا
 اتحسست منه و ما اتقبلته بشرتي ..

طبعاً رشيت ع وجهي مياه افين الحرارية عشان يهدأ و يزول الإحمرار و انتظرت شوي لين رجعت بشرتي لطبيعتها و بعدها
ارتحت .. قبل ما اشتري مياه افين كنت إذا اتحسس وجهي امسحه بموية ورد أو ماء عادي بارد و كان ينفع معي

للأسف هالمنتج أبداً ماناسبني و تجربتي معاه فاشلة جربته مره وحده و لا فكرت أعيد التجربة خفت بصراحة لما شفت
الإحمرار و القرص ..  ما أحب اتعب بشرتي ما أتقبلته خلاص إلى غير رجعة ..

المقشر اللي يحضرني حالياً و تجربتي معاه كانت مرضيه هو مقشر جونسون الأبيض مكتوب ع العلبة "غسول مقشر ناعم" و
هو مخصص لجميع أنواع البشرة ..
لطيف و حبيباته ناعمه و صغيرة جداً ماجفف بشرتي ولا حسسها كنت بوريكم صورته بس للأسف مخلص أبحثوا عنه في قوقل
بتلاقوا صورته .. إستخدامي للمقشر مو يومي كل كم يوم لما أحس بشرتي باهته

أكثر شيء يتعبني صراحة الغسولات جربت كثير حالياً عندي غسول نورماديرم من فيشي و مرتاحة عليه بسوي عنه ريفيو قريب إن شاء الله ..

و بسس هذا اللي عندي اليوم , خلص البوست و بحفظ الله


2 comments:

  1. I've been using the similar Neutrogena scrub (yellow tube) for a while and I really like it! Tangerine + Lime.. I bet this ones smell nicer!

    xx ieyra | babysoulz

    ReplyDelete
    Replies
    1. hi lovely friend :)
      I haven't used the yellow one yet i like the brand in general but this time it wasn't a good experience .. my skin reacted badly to the scrub , but the smell though is so refreshing and delicious it smells like peaches <33

      Delete

Comment as : Name , Url / Anonymous
خيارين لتعليق من ليس لديه حساب قوقل واحد بالإسم و الآخر تعليق فقط ..