Mariam Blog | مُدونة مريم: L'OREAL ELVIVE Extraordinary Oil | زيت الشعر من لوريال

MyMenu1

Tuesday, December 16, 2014

L'OREAL ELVIVE Extraordinary Oil | زيت الشعر من لوريال



مساء الخير /
بتكلم اليوم عن تجربتي مع احد المنتجات اللي استخدمها في روتيني البسيط للعناية بشعري 
واللي هو هالزيت الجميل من لوريال ..

انا استخدمه لترطيب أطراف شعري عشان يصير مظهرها صحي ,
بدون تقصف أو نفشه أو جفاف, أطراف شعري تبان مرتبه و مظهرها حلو بعد ما استخدمه,


طريقتي معاه : اول ما اطلع من الحمام بعد غسل شعري بالشامبو و استخدام كريم شعر و غسلهم و يكون شعري 
خف من الماء يعني مايكون يقطر ماء [ اكون جففته شوي بالمنشفه لكنه لسى رطب ] احط شوي من الزيت على يدي 
و أوزعه على أطراف شعري و بعدها اسرحه او استشوره زي ما ابغى. 

لاحظوا اني استخدمه بعد كريم الشعر [ طريقتي معاه زي البلسم بعد الشامبو ] ..

الكريم تكلمت عنه هنا فأكيد الإثنين يكملوا بعض , الكريم يرطب ترطيب مكثف و الزيت يزيد ترطيب
و يحافظ على المظهر الصحي للأطراف; ريحته زي القرفة ما حبيتها في البداية لكنها تختفي ماتجلس في الشعر
و اصلاً هو ع الأطراف أحطه بس فما تزعجني ;

مكتوب ع العلبة انك تقدري تحطيه ع كامل شعرك قبل الحمام و تغسليه بس ما سويت كذا حبيت استخدمه بعد الحمام 
كمية بسيطة ع الأطراف ترطبها لي بدون لا أغسله , جذور شعري دهنية فما يحتاج احطلها ..

أخذته من صيدلية النهدي و مو فاكره سعره صراحة بس أبداً مو غالي  , لو تلاحظون انا أخذت اللي لجميع انواع الشعر 
لكن فيه نوع ثاني مخصص للشعر المصبوغ و آخر للشعر الجاف جداً .. 

ترى شعري مصبوغ لكن مدري ليه ما أخذت الثاني :| 
ما لاحظت عليه انه خرب اللون لكن لو خايفة ع صبغتك جربي المخصص للشعر المصبوغ .. 

هذا كل اللي عندي اليوم , انتهى البوست 
بحفظ الله  

1 comment:

  1. Annyeong!Thanks for sharing your interesting article, please do visit my site too imarksweb.net. God Bless :)

    ReplyDelete

Comment as : Name , Url / Anonymous
خيارين لتعليق من ليس لديه حساب قوقل واحد بالإسم و الآخر تعليق فقط ..