Mariam Blog | مُدونة مريم: Current Favorites | مفضلاتي

MyMenu1

Monday, December 15, 2014

Current Favorites | مفضلاتي





السلام عليكم ~
من أوائل البوستات في المدونة و كنت حاطته فترة و بعدها شلته ما كنت مقتنعة فيه , لا بطريقة التصوير ولا بطريقة الكتابة بس 
ما هان عليه أحذفه فيه ريفيوات حلوة فحبيت أرجعه للمدونة ... 
بسسس | 

بوست اليوم عن المنتجات اللي حبيتها و استخدمتها كثير هالفترة  نبدأ بالمنتجات :




1- غسول بيور بالنس من ديكلاغيه | Pure Balance - DECLARÉ :

الغسول هذا من اكثر الغسولات اللي ناسبتني مع انه جل و غسولات الجل اللي قد استخدمتها قبل تكشط البشرة و تجففها بشكل 
كبير لدرجة تتحسس و تقرصني هذا لا جداً ناسبني ماحسس بشرتي ينفع غسول يومي بس انا احب لو استخدمته الصباح
 في الليل استخدم غسول مقشر و العكس, ينظف و يشيل الدهون الزايده بلطف بدون القرص و الحساسية لو ادري اخذت كم علبه 
زيادة مو موجود قريب مني :(
اخذته من صيدلية وايتس سعره في حدود الميتين اقل او اكثر بشوي .

2- مياه افين المعدنية- Avene thermal water  :

الكل تكلم عنها و الكل يحبها و معهم حق الصراحة هي كويسه تنعش البشرة و تهديها انا استخدمتها لما كانت تقرصني بشرتي
 من الغسولات القويه فتهديها عطوول و برضه لو استخدمت قناع لوجهي احب استخدم مياه افين مرات بدل ماء الورد بعد
ما احطه في الثلاجه يبرد.
اخذته من صيدلية النهدي ..

3- كريم العين بفيتامين إي من بودي شوب | Vitamin E eye cream - The body shop : 

هو المفترض انه يرطب و ينعم و يساعد ع تقليل الانتفاخ و الهالات الداكنة .. فعلا رطب و نعّم المنطقة اللي حول العين وهذا اللي
حبيته فيه و خلاني استمر استخدمه للآن لكن ما حسيته قلل الهالات أو خففها , هي خفيفة الى متوسطة تتغير ع حسب نظام نومي 
و أكلي و هي السبب الرئيسي لشرائي هالمنتج و بخصوص الانتفاخ ماعندي اساسا فما لاحظته ..
سعره تقريباً 65 ريال .

4- مرطب نيفيا بزيت الجوجوبا و فيتامين إي |  Nivea soft cream with Jojoba oil and Vitamin E 

بحكم ان بشرتي مختلطة الى دهنية مو كل المرطبات تناسبها احتاج مرطب خفيف مايسببلي حبوب او يدهن بشرتي زياده ,
جربت كثييير مرطبات و كلها سيئة بعد ساعه الاقي وجهي زييييييت بشكل مزعج 
هذا المرطب الوحيد من اللي قد جربتهم مادهن وجهي ولا طلعلي حبوب يرطب ترطيب خفيف و يخلي ملمس البشرة ناعم
الكمية لها دور لو اخذت كثيير يدهن وجهي في العادة آخذ كمية صغيييرة و اوزعها على وجهي و تكفيني 
موجوده منتجات نيفيا في كل مكان هذا اخذته من النهدي

5- قناع الوجه بشجرة الشاي  | The body shop - Tea tree face mask :

معروفه منتجات شجرة الشاي انها حلوة للبشرة الدهنية و تساعد بإزالة الحبوب "البعض يحط زيت شجرة الشاي المخفف بالماء
 كعلاج موضعي للحبة تهديها و تساعد على ازالتها"  .. اللي لاحظته ع القناع انه ينظف الوجه يمتص الدهون الزايدة و احس 
بشرتي تتنفس بعد ما استخدمه و لاحظت بعد استخدامه نعومة و ملمس حلو احب استخدمه مره وحده في الأسبوع يعطي البشرة 
منظر خالي من الدهون و وجه منتعش و فيه نضارة ( صاحبات البشرة الدهنية بيحسون بكلامي   )

6- قناع الطين الأيوني بالأعشاب البحرية | The body shop - seaweed ionic clay mask :

احب استخدمه لمنطقة التي زون ( الجبهة و الأنف و الذقن ) يشيل الدهون من قلللب و يخفف من الرؤوس السوداء و ينقي
 البشرة من الشوائب , استخدمه بشكل اسبوعي , كانت عندي حبوب صغيييرة في جبهتي او بثور خلينا نقول و تجي من فترة 
لفترة و تطوول و هذا بعد ما دخلته في روتيني راحت 
سعره 69 من بودي شوب






1- شامبو الزنجبيل من بودي شوب | The body shop Ginger anti-dandruff shampoo  

احب الشامبو هذا لأني بعد استخدامه احس شعري نظييييف مافيه دهون , الشامبو يجفف ولكن بما ان جذور شعري دهنية اصلاً
 فعادي ما حسيته ضايقني بالعكس خلى شعري فيه حيوية و كثافة اكثر .. و ازال القشرة ( القشرة كانت خفيفة ) استخدمته مرتين
 في الاسبوع و من الاسبوع الثاني اختفت , ريحته مو مره حلوة بس مقبولة
سعره 31 ريال

2- ماسك لوريال إلفيف سموث إنتنس - Loreal Elvive smooth intense 

"ماسك منعم بالسيروم يحتوي على زيت الأرقان و حماية من الحرارة" بالضبط هذا اللي ابغاه !
الماسك نعم شعري و عطاه ترطيب و منظر صحي و ملمس جميل جربت ماسكات قبله من لوريال و ماحسيت معها بفرق اما
هذا فجداً انبسطت من نتيجته و برجع اشتريه اكيد  
اخذته من النهدي




1- BYPHASSE Nail polish remover Essential | مزيل طلاء الأضافر من بايفاس 

مزيل المناكير هذا يقوم بمهمته على أكمل وجهه و لكنه يجفف الظفر بشكل واضح و تحتاجي ترطبيه , برغم مكتوب عليه mild
يعني خفيف و هذا سبب اختياري له لو بقيمه بعطيه 8 من 10
من صيدلية وايتس

2- A-DERMA Exomega emollient balm

المرطب هذا ثقييل و ترطيبه قوي مخصص للبشرة الجااااافة اصلاً و المعرضه للأكزيما, يناسب البشرة الحساسة
استخدمه ليدي و رجليني قبل النوم ما اقدر احط مرطب ثقيل على يدي و أنا صاحية يضايقني 
هذي ثاني علبة
اخذته من صيدلية التفاح الأخضر بجيزان سعره ميه و شوي تقريباً

3- زبدة الكاكاو - COCOA BUTTER CREAM

من منتجات الترطيب اللي حبيتها ترطب و ماتترك اثر دهني ريحتها حلوووووه ترطيبها متوسط و لكن مابرجع اشتريها بعد 
ماتخلص بستخدم لوشن زبدة الكاكاو من فازلين بدلها حبيته اكثر , مجرد تفضيل ولكن مايمنع انه هذي ممتازة  
من صيدلية في الراشد مول بجيزان بس مدري ايش اسمها 

4- كريم اليدين بالفانيلا من دوف بزبدة الشيا و الفانيلا  | DOVE hand cream - Deep care

كريم خفيف لليدين استخدمه قبل ما اطلع من البيت او لما أكون برا ريحته حلوة و تمتصه البشرة بسرعة , احب يكون دايم بالشنطة 
من صيدلية النهدي

5- معقم برائحة الفراولة | The body shop - Strawberry hand cleanse gel

معقم من بودي شوب استخدمه لما أكون برا البيت ريحته حلوة كان عندي معقم من ديتول احط منه الكل يعرف من قوة الريحة 
سعره في العشرين تقريبا 22 او 23 حوالينها 

6- عطر قوتشي قلتي الأسود | Gucci guilty black 

احب هالعطر كثير ريحته حلووة تنفع صباح و مساء ريحة فواكه بس مو طفولية ريحة اول ما يجي في بالي لما اشمها 
انوووثه الريحة جداً جداً رايقه ..
هذا وصف له من موقع عطور بالترتيب الريحة الأقوى فالأقل قوة  ( فاكهي , حلو , عطر العشب , ناعم , كهرمان , توابل حارة )
اخذته من وجوه بـ 478 ريال 

7- طلاء اظافر ريفلون درجة 560 | Revlon nail polish in Forbidden

مناكير ريفلون حبيت قوامها الثقيل و تغطيتها و اللون هذا جميل , احب الغوامق في المناكير و احب القوام الثقيل اللي مليان لون 
عكس ايسي اللي ماحبيتها برغم الضجة اللي سووها ابداً ماناسبتني خفيفة و مائية و مايبان اللون صح الا مع اكثر من طبقة,  
تجربتي لها كانت محبطة للأسف تمنيت مايخيب أملي كنت متحمسة لها 
اخذته من وايتس


صورة أقرب :





انتهى البوست 
بحفظ الله . . 

2 comments:

Comment as : Name , Url / Anonymous
خيارين لتعليق من ليس لديه حساب قوقل واحد بالإسم و الآخر تعليق فقط ..